Rusiyeniñ Amursk vilâyetinde 49 insan bulunğan An-24 yolcu uçağı tüşti.
«Angara» ava şirketiniñ uçağı Habarovsk – Blagoveşçensk – Tında seferini kerçekleştire edi. Yerli saatnen 07:36-da (Moskva saatınen 00:36) uçaq Habarovsk ava limanından uçtı. Yolnıñ soñki noqtası civarlarında uçaq bağğa çıqmadı. «İnterfaks» yazğanına köre, parçaları Tındadan 15 kilometr uzaqlıqta tapıldı. «Uçaq yoq oldı», dep bildire agentlik qurtaruv hızmetleriniñ vekilleri bergen malümatnı. Fevqulâde vaziyetler nazirliginiñ malümatına köre, uçaqnıñ füzelâjı yana.
TASS Amursk vilâyetiniñ valisi Vasiliy Orlovnıñ Telegram kanalına esaslanıp yazğanına köre, ilk malümatqa köre, uçaqta 43 yolcu bar edi, 5-i bala ve 6 ekipaj azası.
TASS haber etkenine köre, qazağa oğrağan An-24 aman-aman 50 yıl evelsi yapıldı, sertifikatı ise 2036 senesine qadar uzatıldı. The Insider neşiri yanvar ayında olğan Reuters haberini hatırlata, anda «Angara» şirketiniñ baş müdiri yañı tehnika olmağanı içün 50 yıllıq An-24 ve An-26 uçaq seferlerine izin bermege sorağan edi.
